Tveggja mánaða tímabili nemenda frá Listaháskóla Íslands í Freetown er hafið!

24.01.22

Nemendur frá Listaháskóla Íslands eru komnir til Freetown og munu þau dvelja hér og læra og vinna næstu tvo mánuði, en þetta verkefni er styrkt af Erasmus+. Eva María Árnadóttir, sviðsforseti arkitektúrs, hönnunar og myndlistar við Listaháskólann, kom með þeim í upphafi mánaðar, en hún heldur utan um þetta verkefni fyrir hönd Listaháskólans.

Þau Guðrún, Kamilla og Þorlákur, nemendur í annars vegar vöruhönnun og hins vegar arkitektúr við Listaháskóla Íslands komu til Freetown fyrir rúmum tveimur vikum og hafa nú þegar tekið þátt í ýmsum verkefnum. Þau héldu meðal annars utan um vikulangt námskeið í Lettie Stuart Pottery Centre í síðustu viku þar sem þau unnu með keramikerunum að teikningu og sköpunaraðferðum fyrir keramikgerð. Þau heimsóttu einnig Brama town og kynntust þar vefurunum, sem vefa allar körfur og lampa fyrir Sweet Salone verkefni Auroru. Þar lærðu þau hvernig bambusinn er undirbúinn og svo notaður í vefnaðinn og fengu þau að spreyta sig við sína eigin körfugerð. Þau hafa einnig hitt fjöldan allan af handverksfólki og heimsóttu helstu markaði Freetown.

Þau heimsóttu einnig Izelia, sem er Sierra Leonísk fatahönnunar brand, þar sem þau hittu fyrir Isatu Harrison, stofnanda Izelia. En þau munu vinna með henni og halda námskeið með klæðskerum Izelia á næstunni. Nemendurnir munu einnig taka þátt og leiða ýmis námskeið sem falla undir Aurora Impact sem við munum deila frá á næstunni.

Eva hefur nú kvatt okkur og var för hennar heitið aftur til Íslands, en við erum henni ákaflega þakklát fyrir hennar framlag og samstarf undanfarin tvö ár. Við erum einstaklega ánægð með að hún hafi getað komið hingað og hitt okkur og eytt tíma með fyrrum Sierra leónískum nemendum sínum hér í Freetown. En Eva kom hingað fyrir tveimur árum ásamt Tinnu Gunnarsdóttur, prófessor í vöruhönnun við sama listaháskóla (hér er hægt að lesa sér til um það) þar sem þær héldu námskeið og lögð grunn að komu nemenda frá Listaháskólanum til Freetown. Listaháskólanemendurnir, Kamilla, Guðrún og Láki, eru hins vegar rétt að hefja sinn tíma hér og á næstu vikum munuð þið sjá meira frá þeim hér og á samfélagsmiðlum okkar þar sem við munum deila frá þeim spennandi verkefnum sem þau taka að sér!

Equipped to Elevate: Women Creators Summit at Aurora House

Equipped to Elevate: Women Creators Summit at Aurora House

On April 25, 2025, Aurora House in Freetown became a vibrant hub of creativity and collaboration as over 30 young women leaders gathered for the inaugural Equipped to Elevate Women Creators Summit. Held at 35 Fraser Street on Pipeline Road, this one-day summit brought...

Empowering Girls in Stem initiative – International Girls in ICT day

Empowering Girls in Stem initiative – International Girls in ICT day

Aurora Foundation is proud to highlight the success of the recent Girls in ICT Seminar, held on April 24th, 2025, at the STEM Center Amphitheatre, 3 Kabba Street, Lumpa Waterloo, in celebration of International Girls in ICT Day. The seminar brought together over 160...