Ingibjörg Kristjánsdóttir og Ólafur Ólafsson, stofnendur Aurora velgerðasjóðs, komu til Sierra Leone eftir nokkurt hlé vegna covid heimsfaraldursins og voru í Freetown of nágrenni nokkra daga í maí.
Heimsóttu þau meðal annars Lettie Stuart Pottery setrið og samstarfsfólk okkar, vefarana í Brama Town. Þau voru viðstödd kynningardag og útskrift fjórða árgangs pre-accelerator prógrammsins sem átti sér stað á skrifstofunni okkar síðastliðinn þriðjudag. Veittu þau verðlaun og viðurkenningar til nemenda. Voru viðstaddir aðilar þakklátir fyrir nærveru og viðleitni hjónanna til að gera vel við samfélag og efnahag Sierra Leone.
Aðalfundur Auroru auk hefðbundins stjórnarfundar var auk þess haldinn í Freetown miðvikudaginn 11. maí þar sem restin af stjórn var tengd í gegnum fjarfundarbúnað og voru ýmis spennandi áform rædd svo það er um að gera að fylgjast vel með!
Teymið hjá Aurora í Freetown er einnig þakklátt fyrir að hafa notið viðveru stofnenda sjóðsins yfir þessa daga og hlökkum við til komandi tíma.
