Sum ykkar eru því vel kunnug að skrifstofuhúsnæði Auroru hefur verið búið búnaði frá Easy Solar til nýtingar sólarorku en vissuð þið að við erum einnig að vinna með Easy Solar að því að knýja Lettie Stuart keramiksetrið í Waterloo með sólarorku?
Vegna þess að Waterloo er ekki tengt inn á rafmagnslandsnetið hefur keramiksetrið hingað til þurft að notast við rafal knúinn af dísilolíu til að hafa rafmagn fyrir nauðsynlegar vélar og ljós í setrinu og það teljum við ekki sjálfbæra lausn. Þar af leiðandi var ákveðið að nýta hreina orku og láta setja upp sólarpanel á þakið sem gerir setrinu kleift að vera með rafmagn allan daginn, alla daga vikunnar. Jafnvel á gráum dögum yfir rigningartímann er setrið með nægjanlegt rafmagn til að hafa ljós og nóg af orku afgangs fyrir vélarnar og annan tækjabúnað eins og tölvur og ísskáp. Það að nýtt sé nú hrein orka hefur bætt aðstæður fyrir þau sem vinna í setrinu til muna.
Hér fyrir neðan má sjá myndskeið sem Easy Solar útbjó:
