Aurora hefur átt gott og farsælt samstarf við Deloitte undanfarin ár. Deloitte hefur séð um að annast ársreikningagerð fyrir Auroru velgerðasjóð og dóttursjóðina tvo, Kraum tónlistarsjóð og Hönnunarsjóð Auroru.
Á nýliðnum aðalfundi Auroru velgerðasjóðs tilkynntu fulltrúar Deloitte, í kjölfar kynningar á ársreikningnum, að öll vinna fyrir þennan ársreikning og fyrir ársreikninga Auroru í framtíðinni sé framlag Deloitte til þess góða starfs sem Aurora sé að vinna að. En þess má geta að Aurora hefur veitt 786 milljónir króna til verkefna bæði hér á landi og erlendis frá stofnun fyrir 10 árum síðan.
Stjórn Auroru vill hér með koma á framfæri sérstöku þakklæti til stjórnar Deloitte fyrir þetta rausnarlega framlag og hlakkar til áframhaldandi samstarfs í framtíðinni.
