Stöðuuppfærsla af núverandi árgangi pre-accelerator prógrammsins!

27.09.21

Skrifstofa Aurora er komin aftur á fullt skrið eftir meiri rólegheit yfir rigningartímann. Á bakvið tjöldin hefur hins vegar mikið verið í gangi hjá okkur og Suzanne og Samuel meðal annars verið að vinna að breytingum á pre-accelerator prógramminu okkar. Regína og Makalay hafa síðan verið að vinna með handverksfólkinu okkar að lang-tíma áætlun.
Við erum líka spennt að segja frá hvað hefur verið að gerast hjá fyrirtækjunum sem taka þátt í þriðja árgangi pre-accelerator prógrammsins okkar!

BREathe Yoga & Wellbeing

Á meðan mörg okkar hafa forðast það að fara út í rigningarnar undanfarið hefur teymið hjá BREathe Yoga & Wellbeing heldur betur verið upptekin. Nú í sumar tryggðu þau sér rými fyrir yoga stúdíóið sitt, nálægt þjóðarleikvanginum þar sem þau leiða nú daglega yoga tíma. Þau hafa einnig, með Samuel úr teyminu okkar, verið að vinna að viðskiptaáætlun sinni og samfélagsmiðlanotkun.

GRL. Photography

Spennandi tímar eru framundan há ljósmyndaranum Hickmatu en hún mun halda sína fyrstu ljósmyndasýningu á Swiss Hotel í Freetown þann 30. September (miðar eru seldir beint hjá Swiss Hotel). Í sumar tók hún þátt í EWC National Finals þar sem hún pitchaði fyrirtækið sitt, vann með Samuel að markmiðasetningu og tók að sér nokkrar myndatökur, meðal annars fyrir BREathe Yoga & Wellbeing (sjá mynd hér fyrir ofan).

Youth Empowerment Forum

Báðir stofnendur hafa verið uppteknir við að reka fyrirtækið í Kono og sinna háskólanámi sínu í Freetown en hafa engu að síður tekið á móti öðrum hópi í life skills prógrammið sitt. Þau reikna ennfremur með að halda prógramminu áfram og leggja upp með að hefjast handa með þriðja hópinn í byrjun næsta árs.

Styrkveiting frá UTN fyrir námskeiðahaldi

Styrkveiting frá UTN fyrir námskeiðahaldi

Aurora velgerðasjóður hlaut nú nýlega styrk fyrir verkefninu Valdefling ungmenna með þjálfun í upplýsingatækni og viðskiptarekstri úr sjóði Utanríkisráðuneytisins sem styrkir félagasamtök í þróunarsamvinnu. Nemur upphæð styrksins rúmum fjórum milljónum íslenskra...

Samstarf við Fashion industry insiders

Samstarf við Fashion industry insiders

Þann 5. maí síðastliðinn var haldin einskonar uppskeruhátíð þar sem Fashion industry insiders, í samstarfi við Sierra Leoníska fatahönnunarfyrirtækið Izelia og Aurora hélt tískusýningu á Country Lodge hótelinu hér í Freetown. Fashion industry insdiers leitt af Edmond...

Fjórði árgangur útskrifaður!

Á miðvikudaginn útskrifuðum við fjórða árgang StartUP (áður pre-acceleration) prógrammsins okkar og hann var jafnframt sá stærsti hingað til! Þrettán metnaðarfullir frumkvöðlar útskrifuðust úr prógramminu og eru tilbúin að þróa fyrirtækin sín enn frekar og halda áfram...