Fyrsti Inspirational Tok viðburður Auroru!

14.04.22

Aurora kynnir með ánægju sinn fyrsta Inspirational Tok viðburð þar sem aðilar sem við teljum vera frábærar fyrirmyndir koma og segja sína sögu, með það að markmiði að veita ungu fólki í Sierra Leone innblástur. Um er að ræða þann fyrsta í röð viðburða og munum við því halda annan Inspirational Tok von bráðar.

Gegnumgangandi þema í vinnu og verkefnum Auroru er að hvetja ungt fólk til að dreyma stórt, koma auga á ástríður sínar og vinna að markmiðum sínum. Við trúum því að með því að veita ungu fólki tækifæri til þjálfunar, öruggt rými, ásamt því að veita aðgang að sterkum fyrirmyndum, vinnum við að því markmiði að efla ungt fólk í Sierra Leone.

Við höfum valið tvo úrvals fyrirlesara sem hvort fyrir sig á sér áhugaverða sögu sem við höfum trú á að veiti ungu fólki innblástur. Ókeypis er á viðburðinn en skráning er hins vegar nauðsynleg til þess að tryggja sér sæti þar sem það er takmarkað framboð.

Viðburðurinn mun standa yfir í eina til tvær klukkustundir og verður gefinn tími undir lokin fyrir spurningar og svör og almennt spjall fyrir tengslamyndun. Við erum mjög spennt að geta tilkynnt þessa tvo fyrirlesara til leiks!

 

Fyrirlesari 1: Ajara Marie Bomah

Ajara Marie Bomah er frumkvöðlakona en hún stofnaði og rekur ráðgjafafyrirtækið Women Mean Business (WMB), sem hefur það að markmiði að styðja við afrískar konur í viðskiptum og frumkvöðlastarfsemi. Hún er mannúðarsinni sem leggur sitt af mörkum til þess að bæta lífsgæði ungs fólks, sér í lagi ungra kvenna og stelpna í Afríku. Eftir að hafa lokið námi í Bandaríkjunum flutti Ajara til heimalands foreldra sinna, Sierra Leone, með þá hugmynd í farteskinu að aðstoða við uppbyggingu í landinu með því að efla kunnáttu og þekkingu og mentora ungt fólk, sérstaklega konur og stelpur. Árið 2013 hóf hún vegferð Women Mean Business sem er vettvangur sem sameinar fyrirtæki rekin af afrískum konum. WMB styður við afrískar konur sem eru í frumkvöðlastarfi og er auk þess vettvangur fyrir samstarf og tengslamyndun og skapar þannig rými fyrir kvenkyns frumkvöðla og unga leiðtoga til að vinna fyrir sér með því að láta drauma sína rætast.

Sem leiðtogi og frumkvöðull trúir Ajara því að einstaklingar geti sjálfir verið breytingin sem þeir vilja sjá en hún hefur sjálf lagt sín lóð á vogarskálarnar fyrir þróun í Sierra Leone með því að taka þátt í starfi félagasamtaka og fyrirtækja og með því að þjóna sem mentor fyrir sér yngri og óreyndari konur. Ajara hlaut nýlega þá viðurkenningu að vera talin meðal fimmtíu áhrifamestu konum í Sierra Leone af fjölmiðli þar í landi.
 

Fyrirlesari 2: Ishmael Beah

Ishmael Beah þarf vart að kynna en hann hefur meðal annars komið nokkrum sinnum til Íslands og Reykjavíkur og var fyrsta bók hans, alþjóðleg metsölubók, A Long Way Gone: Memoirs of a Boy Soldier þýdd á íslensku sem Um langan veg: frásögn herdrengs. Bókin skaut honum upp á stjörnuhimininn en síðan hafa verið gefnar út eftir hann tvær aðrar bækur, nú síðast skáldsagan Little Family sem gefin var út árið 2020. Hann er nú nýlega fluttur til Sierra Leone með fjölskyldu sinni eftir margra ára dvöl í Bandaríkjunum og hefur ýmsar fyrirætlanir um að efla bókmennta -og menningarstarfsemi í landinu með því, til að mynda, að blása eldmóði í unga rithöfunda og fá útgefendur til að gefa út verk þeirra. Hann styður einnig gagngert við fólk og starfsemi í öðrum skapandi greinum í Freetown og Sierra Leone.

Ishmael er góðgerðasendiherra UNICEF og hefur unnið í málefnum barna sem hafa þurft að þola stríð. Líkt og Ajara hefur rithöfundurinn og góðgerðasinninn Ishmael farið sínar eigin leiðir, skapað sér tækifæri og nýtt sér þá möguleika sem honum hafa staðið til boða.

Two new groups of ICT Graduates!

Two new groups of ICT Graduates!

Despite the rains and challenges, Aurora Foundation and Byte Limited were able to host two groups of ICT classes over the past two weeks, both Beginner trainings. One class took place in the morning with trainer John, and the other in the afternoon with trainer...

Another successful ICT course at Aurora

Another successful ICT course at Aurora

From the 4th to the 15th of July, Aurora foundation and Byte Limited were honoured to host another ICT training for beginners during the afternoon hours. Eighteen students graduated after the exam and were awarded certificates during the graduation ceremony. We thank...

New ICT graduates!

New ICT graduates!

Last week we were able to congratulate not one, but two groups of ICT students with a certificate after they passed their exam! The past two weeks we had the pleasure of hosting an Intermediate ICT training during morning hours, and a Coding Bootcamp in the afternoon....