Afhending skóla í Fasewaya í Koniadugu héraði.

06.05.08

Í marsmánuði afhenti Unicef þorpsbúum í Fasewana nýja skólabyggingu en hún var byggð fyrir tilstuðlan Auroru velgerðasjóðs. Lóa Magnúsdóttir, starfsmaður Unicef Island er stödd í Sierra Leone um þessar mundir og var viðstödd afhendinguna ásamt menntamálaráðherra Sierra Leone, Dr. Bah og framkvæmdastjóra Unicef í Sierra Leone, Geert Cappelaere.

Skólinn sem afhentur var þennan dag er björt, falleg og traustleg bygging, máluð blá og hvít. Blá leiktæki prýða leikvöllinn fyrir framan skólann og kepptust krakkarnir við að fá að sitja í rólunum og príla í klifurgrindunum.
Eftir venjubundna kynningu á gestum og fyrirfólki, héldu Dr. Bah og Geert stuttar ræður. Dr. Bah talaði einna helst um heimsókn sína til Íslands, en hann var viðstaddur þegar afhent var úr sjóðnum í janúar síðasliðinn,  og hvernig landið kom honum fyrir sjónir. Hann hvatti heimamenn til þess að fara vel með þessa skólabyggingu sem þeim var falin og tók íslenskar skólabyggingar sem dæmi um fyrirmyndir í umgengni um opinberar byggingar!
Eftir athöfnina ræddi Lóa við Meru, unga 14 ára stúlku sem er nemandi nýja skólans í Fasewaya. Mera er dæmi um stúlku sem gengur nú í fyrsta skipti í skóla fyrir tilstuðlan Auroru.  Mera hefur aldrei fengið tækifæri til þess að fara í skóla þar sem foreldrar hennar treystu sér ekki til þess að senda hana alla leið til bæjarins Kabala, þar sem nálægasti grunnskólinn er staðsettur, 45 kílómetra leið frá Fasewaya. Að sögn foreldra Meru eru hætturnar margar fyrir stúlkur sem ferðast þurfa til Kabala og margar þeirra koma heim barnshafandi.

Í afskekktum þorpum eins og Fasewaya þekkja aðeins fáir foreldrar gildi menntunar og fáir hafa efni á því að senda börn sín langar leiðir í skóla. Sum barnanna í afskekktum svæðum Síerra Leóne þurfa að ferðast fleiri kílómetra hvern einasta dag til þess að ganga í skóla, meðan önnur börn búa tímabundið hjá fjarskyldum ættingjum meðan á skólagöngu þeirra stendur. Mera telur sig mjög lánsama og sagði okkur að þegar þorpið hennar var valið sem staðsetning fyrir grunnskólann sá hún það sem tækifæri til þess að fá loksins að láta draum sinn rætast og ganga í skóla með stuðningi foreldra sinna. Meru langar til þess að verða hjúkrunarfræðingur í framtíðinni og metur því þetta tækifæri til náms mikils.

Get to know Bai Conteh from Cohort 5 – Aurora Impact

Get to know Bai Conteh from Cohort 5 – Aurora Impact

Bai Conteh, a member of Cohort 5 at Aurora Impact, embodies the qualities of an entrepreneur wholeheartedly. Through his unwavering commitment and thirst for knowledge, Bai has not only overcome the challenges of operating in a volatile economic climate but has also...

3 day CANVA training!

3 day CANVA training!

The 3-day Canva training took place from 30th May to 1st of June 2023 at Aurora Foundation. The training was facilitated by Kharifa Abdulai Kumara and his team from DreamDay Technology. The main objective of the training was to provide participants with the necessary...

Meet Sia from Aurora Impact’s Cohort 5!

Meet Sia from Aurora Impact’s Cohort 5!

In the realm of business and health, there are individuals who possess a fervent passion for both. Sia Ann-Marie Yajah, the founder of Indulge SL Limited, epitomizes this unique combination. With her unwavering commitment to personal and professional growth, Sia is...