Innrásin að hefjast

18.05.08

Kraumur vekur athygli á Innrásinni; nýju átaki sem hefur það að markmiði að greiða leið tónlistarmanna til tónleikahalds á landsbyggðinni.

Kraumur hefur það meginhlutverk að efla íslenskt tónlistarlíf, fyrst og fremst með stuðningi við unga listamenn, auðvelda þeim að vinna að listsköpun sinni og koma verkum sínum á framfæri innanlands sem utan. Með Innrásinni mun Kraumur styðja hljómsveitir og tónlistarmenn við tónleikhald á landsbyggðinni. Markmiðið er að auka við möguleika listamanna til tónleikahalds, gefa þeim færi á að koma sér og tónlist sinni á framfæri víðar en á höfuðborgarsvæðinu og efla tónlistarlíf á landsbyggðinni.
Hugmyndin að baki Innrásinni er m.a. sú staðreynd að stundum virðist auðveldara fyrir listamenn og hljómsveitir að spila erlendis, frekar en hérlendis. Lítill stuðningur er oft við þá sem vilja reyna fyrir sér með tónleikahaldi á landsbyggðinni. Með Innrásinni er ætlunin að styðja listamennina beint og auðvelda þeim tónleikhald innanlands með fjárhagslegum styrk, ferða- og græjustuðning. Jafnframt er stefnt á að búa til gagnagrunn yfir tengiliði sem nýst geta listamönnum við skipulagningu tónleika úti á landi.
Kraumur og Rás 2 hafa hafið samstarf í kringum Innrásina. Útvarp allra landsmanna mun styðja myndarlega við átakið með því að kynna og auglýsa þá tónleika sem fara fram á landsbyggðinni í sumar og haust. Rás 2 og starfsmenn stöðvarinnar luma jafnframt á reynslusögum sem eflaust geta nýst mörgum, en stöðin hefur síðastliðin þrjú ár geyst um landsbyggðina þar sem þeir hafa Rokkað og Plokkað hringinn með mörgum fremstu tónlistarmönnum þjóðarinnar af yngri kynslóðinni. Má þar nefna Ólöfu Arnalds, Pétur Ben, Lay Low, Ampop, Hermigervil og Diktu. Hljómsveitirnar Sign, Dr. Spock og Benny Crespo’s Gang Rokkuðu hringinn núna í apríl – með stuðningi Kraums við listamennina.
Umsóknir
Hér með er auglýst eftir hugmyndum og umsóknum frá hljómsveitum og listamönnum sem hyggja á tónleikahald á landsbyggðinni. Ekki verður farið fram á útfyllingu umsóknareyðublaða eða langar verkefnalýsingar. Tekið er við umsóknum frá jafnt einum flytjanda (hljómsveit/listamanni) sem og fleirum í samfloti. Umsóknir skal senda á e-mail með eftirfarandi upplýsingum:
a) Nafn hljómsveita/r eða listamanns/a ásamt stuttum upplýsingatexta
b) Nafn, sími, e-mail tengiliðs
c) Fyrirhugaðir tónleikastaðir
E-mail: kraumur@aurorafund.is
Frekari upplýsingar á vef Popplands Rásar 2.
Kraumur
Starfsemi Kraums var sett á laggirnar í upphafi árs af Aurora velgerðasjóð. Kraumur hefur það meginhlutverk að efla íslenskt tónlistarlíf, fyrst og fremst með stuðningi við unga listamenn, auðvelda þeim að vinna að listsköpun sinni og koma verkum sínum á framfæri innanlands sem utan. Á yfirstandandi starfsári er Kraumur m.a. að styðja við útrás og tónleikaferð Mugison, tónleikahald Amiinu innanlands, verkefni Víkings Heiðars Ólafssonar og plötuútgáfu Skakkamanage, Celestine, Diktu, FM Belfast, Ólafar Arnalds og Elfu Rúnar Kristinsdóttur.
Frekari upplýsingar
Eldar Ástþórsson, framkvæmdarstjóri Kraums S: 869 8179
eldar.astthorsson@aurorafund.is

Guðbjörg from KerRvk is here!

Guðbjörg from KerRvk is here!

The center busses with life everyday, and the humor and happiness in the air are very tangible. Guðbjörg is here! Guðbjörg Káradóttir is the founder of Ker, a brand based in Reykjavik Iceland. All items by Ker are designed and handmade on the wheel with passion and...

Equipping the youth of Sierra Leone for the age of digitization

Equipping the youth of Sierra Leone for the age of digitization

On Friday the 16th of December we got together with Isata Jallo. Isata Jallo was a member of  Aurora Impact’s second Cohort. We decided to meet at the launch of Freetown design and creative art network, a collaborative project between Freetown and Milan...

The power of photography

The power of photography

  Hickmatu is a young inspiring Sierra Leonean photographer, we got to know Hickmatu when she joined Aurora Impact's 3rd Cohort back in 2020. We have kept a close eye on her since then, and it has been inspiring to say the least, to see the beauty she has created...