Tilnefningar til Kraumsverðlaunanna 2021

01.12.21

Líkt og kunnugt er stendur Aurora velgerðasjóður að Kraumsverðlaununum sem veitt eru fyrir útgefna tónlist. Í dag, þann 1. desember, á degi íslenskrar tónlistar hefur verið tilkynnt hvaða 21 tónlistarfólk og hljómsveitir hlutu tilnefningu til Kraumsverðlaunanna í ár. Verða verðlaunin veitt í fjórtánda sinn síðar í mánuðinum og fyrir þær íslensku hljómplötur sem þykja hafa skarað fram úr á árinu hvað varðar gæði, metnað og frumleika. Meðal þeirra listamanna sem hlotið hafa verðlaunin frá því þau voru fyrst veitt árið 2008 eru; Ásgeir, Cell7, Daníel Bjarnason, FM Belfast, Hildur Guðnadóttir, Hjaltalín, Lay Low, Mammút, Moses Hightower, Ólöf Arnalds, Retro Stefson og Sóley.

Dómnefnd verðlaunanna hefur nú valið tilnefningar til Kraumsverðlaunanna í ár – hinn svokallaða Kraumslista – og þar er að finna tónlist úr öllum áttum, meðal annars popp og rokktónlist, teknó og house, hip hop, jazz, tónverka- og tilraunatónlist. Á meðal þeirra 21 hljómsveita og tónlistarmanna sem tilnefnd eru fyrir plötur sínar í ár eru Birnir, Sóley, BSÍ, Skrattar, Bára Gísladóttir og Skúli Sverrisson.

Mikil gróska er í íslensku tónlistarlífi hvað útgáfurstafsemi varðar, enda fór dómnefndin yfir og hlustaði á hátt í fjögur hundruð hljómplötur og útgáfur sem komu út hérlendis á árinu við val sitt. Kraumsverðlaunin eru valin af níu manna dómnefnd skipuð fólki með margvíslega reynslu af því að fjalla um, spila og vinna með íslenska tónlist í fjölmiðlum og á öðrum vettvangi. Dómnefndina í ár skipa Árni Matthíasson (formaður dómnefndar), Arnar Eggert Thoroddsen, Helga Þórey Jónsdóttir, Lovísa Rut Kristjánsdóttir, María Lilja Þrastardóttir, Óli Dóri, Rósa Birgitta Ísfeld, Trausti Júlíusson og Þorbjörg Roach Gunnarsdóttir og munu þau nú velja sex breiðskífur af þeim sem nú hafa verið tilnefndar er hljóta munu Kraumsverðlaunin 2021.

Kraumsverðlaunum er ætlað að kynna og styðja við plötuútgáfu íslenskra listamanna og hljómsveita en alls hafa rúmlega sjötíu listamenn og hljómsveitir hlotið verðlaunin fyrir plötur sínar og flest þeirra snemma á ferlinum. Kraumslistinn 2021 er eftirfarandi:

• Eva808 – Sultry Venom
• Sucks to be you, Nigel – Tína blóm
• Sóley – Mother Melancholia
• Bára Gísladóttir/Skúli Sverrisson – Caeli
• Supersport! – Tveir Dagar
• Tumi Árnason – H L Ý N U N
• BSÍ – Stundum þunglynd …en alltaf andfasísk
• Inspector Spacetime – Inspector Spacetime
• Hush – Blackheart
• Skrattar – Hellraiser IV
• Hist og – Hits of
• Drengurinn fengurinn – Strákurinn fákurinn
• Pínu Litlar Peysur – PLP EP
• Nonnimal – Hverfisgata
• Ægir Sindri Bjarnason – The Earth Grew Uncertain
• Elli Grill – Púströra fönk
• Countess Malaise – Maldita
• Mikael Máni – Nostalgia Machine
• Ekdikesis – Canvas of A New Dawn
• Birnir – Bushido
• Slummi – ndm

Mynd: Frá verðlaunaafhendingunni í fyrra

Two new groups of ICT Graduates!

Two new groups of ICT Graduates!

Despite the rains and challenges, Aurora Foundation and Byte Limited were able to host two groups of ICT classes over the past two weeks, both Beginner trainings. One class took place in the morning with trainer John, and the other in the afternoon with trainer...

Another successful ICT course at Aurora

Another successful ICT course at Aurora

From the 4th to the 15th of July, Aurora foundation and Byte Limited were honoured to host another ICT training for beginners during the afternoon hours. Eighteen students graduated after the exam and were awarded certificates during the graduation ceremony. We thank...

New ICT graduates!

New ICT graduates!

Last week we were able to congratulate not one, but two groups of ICT students with a certificate after they passed their exam! The past two weeks we had the pleasure of hosting an Intermediate ICT training during morning hours, and a Coding Bootcamp in the afternoon....