Kraumsverðlaunin afhent í fyrsta sinn í ár

10.11.08

Metnaður og frumleiki í íslenskri plötugerð verðlaunaður með nýjum verðlaunum

Kraumsverðlaunin eru ný plötuverðlaun, sett á fót í þeim tilgangi að kynna og styðja við plötuútgáfu íslenskra hljómsveita og listamanna – og verðlauna og vekja sérstaka athygli á þeim verkum sem skara fram úr í gæðum, metnaði og frumleika. Aðstandandi verðalaunanna er Kraumur, sjálfstætt starfandi sjóður og starfsemi á vegum Auroru velgerðasjóðs sem hefur það meginhlutverk að efla íslenskt tónlistarlíf, fyrst og fremst með stuðningi við unga listamenn. Auðvelda þeim að vinna að listsköpun sinni og koma verkum sínum á framfæri innanlands sem utan.

Dómnefnd Kraumsverðlaunanna hefur nú hafið störf. Hún er skipuð 15 aðilum sem hafa reynslu af að fjalla um og spila íslenska tónlist á ýmsum sviðum fjölmiðlunar, í dagblöðum, útvarpi og á netinu. Formaður dómnefndar er Árni Matthíasson.
Kraumsverðlaunin eru ekki bundin neinni ákveðinni tónlistarstefnu og þeim fylgja engir undirflokkar. Verðlaunin hafa ekkert aldurstakmark, en markmið þeirra er engu að síður að einbeita sér að verkum yngri kynslóðar íslenskra tónlistarmanna og hljómsveita.
Það er von aðstandenda verðlaunanna að þau verði liðsauki fyrir íslenska listamenn og íslenska plötuútgáfu, og veki athygli á þeirri grósku og fjölbreytni sem ár hvert er fest á disk, vínyl og stafrænni útgáfu hér á landi. Tímasetning tilnefninga og úthlutunar Kraumsverðlaunanna er miðað við jólagjafaflóðið, þegar listamenn reiða sig hvað mest á plötusölu og ætla má að sóknarfæri séu fyrir íslenska tónlist að rata í fleiri jólapakka.
Kraumsverðlaunin byggjast á því að 5 plötur sem gefnar eru út á árinu verða tilnefndar til verðlauna. Af þeim hlýtur síðan ein Kraumsverðlaunin. Ef sérstakt tilefni þykir til hefur dómnefnd vald til að auka við fjölda tilnefndra platna. En það skal aðeins gert ef alveg sérstök ástæða þykir til. Umgjörð í kringum verðlaunin verður haldið í lágmarki, en frekar reynt að einbeita sér að stuðningi við þá titla sem hljóta útnefningu.
Kraumur mun styðja við þá titla sem hljóta útnefningu, og jafnframt auka við möguleika listamannanna bakvið plöturnar til að koma verkum sínum á framfæri utan landsteinana , með því að kaupa ákveðinn fjölda af útnefndum plötum og dreifa til ýmissa starfsmanna tónlistarbransans erlendis (tónlistarhátíðir, plötuútgáfur, umboðsskrifstofur o.s.frv.), í samvinnu við Útflutningskrifstofu íslenskrar tónlistar (ÚTÓN).

Markmið verðlaunana er;
Að kynna og styðja við íslenska plötuútgáfu, þá sérstaklega verk ungra listamanna og hljómsveita.
Verðlauna og verkja athygli á því sem er nýtt og spenanndi í íslenskri tónlist ár hvert á sviði plötuútgáfu.
Verðlauna og vekja athygli á þeim verkum sem sem skara fram úr í gæðum, metnaði og frumleika.
Umsóknarferli;
Ekkert umsóknarferli er fyrir listamenn / plötuútagáfur.*
Ekkert þátttökugjald er fyrir listamenn / plötuútgáfur.
Plötur eru valdar til Kraumsverðlauna óháð tónlistarstefnu, sölu, útgáfuformi eða útgáfufyrirtæki.
*Óskað eftir ábendingum: Þar sem ekkert umsóknarferli er fyrir listamenn og plötuútgáfur er það á ábyrgð dómnefndar að fylgjast með plötuútgáfu á árinu. Plötulista dómnefndar yfir útgefna titla árið 2008 má finna á

Save The Children Iceland X Aurora Foundation

Save The Children Iceland X Aurora Foundation

Hjálpumst að og verndum börn. Kauptu lyklakippuna. Lyklakippurnar sem eru til sölu núna hjá Barnaheill til styrktar þessu mikilvæga málefni eru gerðar af handverkslistafólkinu á Lumley Beach Arts and Crafts Market sem við höfum starfað með síðan 2017. Í myndbandinu má...

Container shipment to Europe

Container shipment to Europe

On April 24th and 25th, The Aurora Foundation team worked together to pack a container bound for Europe. It required careful planning and many hands to ensure that each item met Sweet Salone's standards. With attention to detail, the container was closed on April 25th...

Sweet Salone Webshop launches in Europe!

Sweet Salone Webshop launches in Europe!

Making a Difference with Handmade Sierra Leonean Home Decor www.sweet-salone.com The Sweet Salone Webshop is an online platform that offers 100% handmade Sierra Leonean home decor products to customers around the world. This new venture is not only an excellent...